Nuk mjafton buxheti për rritjen e pagave, grevat vazhdojnë

Ky fillimvit ka filluar me greva të shumta si të arsimit, kirurgëve dhe tani më kanë hyrë në grevë edhe ortopedët, kjo grevë u organizua për qëllime të rritjes së pagave, por buxheti i Kosovës për 2019 nuk i përballon kërkesat e sindikatave. Ku Sindikata e Bashkuar e Arsimit, Shkencës dhe Kulturës, ka bëtë ditur se greva do të vazhdojë deri sa Qeveria të marrë masa ndaj kërkesës për rritjen e koeficinetit të pagave deri në 30%, ndërsa kësaj greve të personelit mjeksore të kirurgëve iu është bashkangjitur edhe ortopedët dhe mjekët e spitalit të komunës së Ferizajit.

Gjatë një deklarate për media, znj.Xhevahire Izmaku, Anëtare e Komisionit për Administratë Publike, deklaroi se ky projektligj për paga do të shqyrtohet në javën e ardshme nga Komisioni për Administratë Publike, ku kjo procedurë për miratim të prjektligjit thuhet se do të zgjasë përafërsisht një muaj.

Në deklaratë që e dha Xhevahire Izmaku thuhet se: “Tek pas ditës së hënë duhet të mblidhet Komisioni dhe të punojë. Pas ditës së hënë, kur caktohet seanca, atëherë koordinohen grupet parlamentare deri në votim. Është një punë shumë e madhe që duhet të bëhet. Unë mendoj se duhet së paku edhe një muaj që të punohet vetëm në mënyrë procedurale”.

Po ashtu, ajo shtoi se për kërkesën për rritjen e koeficientit të pagave për mësimdhënësit deri në 30% ende nuk ka ardhur ndonjë vendim për këtë kërkesë, kurse për personelin mjekësor ka arritur një vendim.