Nuk ka asnjë efekt, apeli i Policisë për kujdes të shtuar, aksidentet dhe tiketat e trafikut vazhdojnë

Policia e Kosovës para disa jave ka bërë apel tek të gjithë pjesëmarrësit në komunikacion, që të kenë kujdes gjatë qarkullimit për arsye të reduktohen aksidentet dhe tiketat e trafikut, po ashtu edhe arrestimet, por deri më tani nuk ka pasur ndonjë efekt, ky apel tek pjesëmarrësit në komunikacion.

Policia e Kosovës gjatë një njoftimi në faqen e tyre zyrtare në Facebook, deklaruan se gjatë ditës së djeshme kanë ndodhur 21 aksidente, ku nuk munguan as tiketat e trafikut të shqiptuara, po ashtu pati edhe arrestime.

Cilin nga kryetarët e degëve të partive në Suharekë do ta votoni në zgjedhjet e 14 shkurtit?

Në 24 orëshin e fundit në Kosovë, Policia njoftoi se kishin ndodhur 21 aksidente, ku fatmirësisht nuk pati aksidente me fatalitet, por 6 aksidente ishin me të lënduar dhe 15 aksidente ishin me dëme materiale.

Po ashtu, gjatë ditës së djeshme Policia kishte shqiptuar 1018 tiketa trafiku por, pati edhe arrestime ku ndodhën 13 arrestime.

Policia e Kosovës, 4 persona i dërgoi në mbajtje dhe 3 persona janë në vuajtje të dënimit.

Së fundmi, ndodhi një aksident i rëndë, në fshatin Mushtisht, ku sipas dëshmitarëve në aksident janë përfshirë dy vetura. Informatat e deritanishme tregojnë se përveq dëmeve materiale ka edhe të lënduar.

© SuharekaOnline. Të gjitha të drejtat janë të rezervuara.
RAPORTO