Njofton Qeveria – Nga 1 gushti Kosova nuk i lëshon në kufi shtetasit me dokumente të Serbisë
Kështu ka bërë të ditur Qeveria e Republikës së Kosovës përmes një komunikate për media, duke theksuar se qytetarët serbë, nga data 1 gusht, sapo të hyjnë në shtetin e Kosovës, do të pajisen me dokument “hyrje/dalje”. “Bazuar në vendimin e Qeverisë nga mbledhja e 85 e saj, ju rikujtojmë se nga data 1 gusht […]
Foto: Ilustrim
Kështu ka bërë të ditur Qeveria e Republikës së Kosovës përmes një komunikate për media, duke theksuar se qytetarët serbë, nga data 1 gusht, sapo të hyjnë në shtetin e Kosovës, do të pajisen me dokument “hyrje/dalje”.
“Bazuar në vendimin e Qeverisë nga mbledhja e 85 e saj, ju rikujtojmë se nga data 1 gusht 2022, çdo person që paraqitet për kalim të kufirit shtetëror të Republikës së Kosovës me dokument identifikimi personal të lëshuar nga autoritetet e Serbisë do të pajiset me Dokument Hyrje/Dalje”, thuhet në njoftimin e Qeverisë.
Me këtë vendim, Republika e Kosovës brenda territorit të saj i bënë të pavlefshme dokumentet e lëshuara nga autoritetet serbe, kjo si masë e reciprocitetit ndaj shtetit që nuk njeh dokumentet identifikuese të lëshuara nga Republika e Kosovës.
Njoftimi i plotë:
PAJISJA ME DOKUMENTIN PËR HYRJE-DALJE
Të dashur qytetarë,
Bazuar në vendimin e Qeverisë nga mbledhja e 85 e saj, ju rikujtojmë se nga data 1 gusht 2022, çdo person që paraqitet për kalim të kufirit shtetëror të Republikës së Kosovës me dokument identifikimi personal të lëshuar nga autoritetet e Serbisë do të pajiset me Dokument Hyrje/Dalje.
Ju faleminderit.
