Ngrihen 1 milion euro, dyshohet për financim të terrorizmit dhe shpërlarje parash

Janë ngrirë një milion euro në Kosovë, ku kkëtë e ka bërë të ditur ministri i Financave, Punës dhe Transfereve, Hekuran Murati.

Murati ka deklaruar në konferencë për media se deri te ngrirja e 1 milion eurove ka ardhur pasi që dyshohet se kanë të bëjnë me financim të terrorizmit.

Po ashtu në konferencë për media, Murati ka thënë se dyshohet se kanë të bëjnë edhe me shpërlarje të parave.

“Në kapacitetin e kryesuesit të Bordit të Njësisë së Inteligjencës Financiare ju njoftoj se janë ngrirë një shumë prej rreth 1 milion euro, para të cilat dyshohet se kanë të bëjnë me shpëlarje të parave dhe financim të terrorizmit”, ka deklaruar Murati.