Ngërçi në Kuvend, Osmani fillon takimin me Kurtin

Takimi ka për temë situatën e krijuar me ngërçin politik pas 40 dështimeve të konstituimit të Kuvendit të Kosovës.

Kurti është lideri i parë që pritet nga Osmani, teksa e para e shtetit ka paralajmëruar se do të takohet me të gjithë krerët politikë sot gjatë ditës.

Në ndërkohë aktgjykimi i Gjykatës Kushtetuese ka specifikuar që legjislatura e nëntë duhet të formohet brenda 30 ditëve nga dita e shpalljes së vendimit. Megjithatë, që nga publikimi i këtij vendimi më 26 qershor, partitë nuk kanë arritur marrëveshje për zgjidhjen e situatës.