Nga muaji shkurt në Kosovë automjetët duhet të plotësojnë edhe një kusht

Pulla mjedisore në Kosovë ishte temë e pezullar nga Ministria e Infrastrukturës dhe Transportit, por tani është aprovuar pulla mjedisore për automjetet.

Pulla Mjedisore ka funksionin të përdoret që gjatë procesit për matjen e gazrave dalëse nga automjetet motorike duke i radhitur nga kategoritë përkatëse.

Vendimi nga Ministria e Infrastrukturës dhe Transportit, obligon që Qendrat e Kontrollit Teknik të Automjetëve dhe të Homologimit, të fillojë që nga fillimi i muajit shkurt të bëhet zbatimi i këtij vendimi.

Ky vendim nga MIT është i bazuar në Udhëzimin Administrativ nr.08/2016, kjo pullë mjedisore, është një shenjë e cila vendoset në pjesën e përparme të xhamit të automjetit, e cila tregon nivelin e gazrave që shkaktohen nga automjeti, raporton insajderi.

Ky vendim për pullën mjedisore nga MIT është bërë për shkak që të bëhet reduktimi i ndotjes së ajrit nga gazrat e automjeteve, ku bëhet përcaktimi i zonave të lejuara dhe të ndaluara.