Nga KQZ-ja tregojnë se kur do të fillojë numërimi i votave përmes postës

Sigurimi Internacional

Ofertë speciale

Ndërsa, shefi i Sekretaritit të Komisionit Qendror të Zgjedhjeve (KQZ), Burim Ahmetaj, ka bërë të ditur se procesi i numërimit të votave me postë do të fillojë gjatë ditëve në vijim.

Ndërkaq, Ahmetaj ka bërë të ditur se 10 mijë e 934 zarfe me fletëvotime nga jashtë kanë ardhur përmes postës, kurse 9 mijë e 610 pako janë aprovuar nga KQZ-ja dhe 1 mijë e 324 të tjera janë refuzuar.

Po ashtu, ai ka shtuar se procesi i vlerësimit të pakove të supozuara me fletëvotime kishte filluar më 17 tetor dhe është përfunduar para tri ditësh.

“Sa i përket votave me postë, raportin e kemi para dy ditësh në email dhe si shifra totale pas vlerësimit të pakove të supozuara, proces i cili ka filluar më 17 tetor dhe është përfunduar para tri ditësh, rezulton se janë 10 mijë e 934 zarfe me fletëvotime të ardhura përmes postës.

Numri i pakove të aprovuara është 9 mijë e 610, ndërsa numri i pakove të refuzuara është 1.324. ju informojë se pranimi i votave me postë është bërë në QNR me 21 tetor dhe në ditët në vijim do të fillojë procesi i numërimit të votave me postë”, ka thënë Ahmetaj.