Nëse nuk ndërpritet greva, Këshilli i Prindërve paralajmëron protestë

27.01.2019 Lajme

SBAShK-u nga greva është duke hyrë në javën e tretë, por kjo grevë Këshillit të Prindërve nuk po i duket me vend asfare, duke paralajmëruar protestë nëse nuk ndërpritet greva.

Këshilli i Prindërve të Pritshtinë në sektorin e arsimit, deklaruan se kjo grevë nuk është e arsyeshme nga ana e SBAShK-ut sepse po i bënë dëm nxënësve, po ashtu ata paralajmëruan protestë, nëse nuk ndërpritet greva.

Pse të shkojmë tek mjeku kur ndihemi mirë?!

Po ashtu, Këshilli i Prindërve kanë thënë se çështja e grevës po i bënë dëm fëmijëve tanë dhe prindërit e nxënësve po e humbasin durimin duke thënë se greva duhet të ndërpritet sa më parë.

“PP vlerëson se është e paarsyeshme që pas dy javësh grevë palët ende qëndrojnë në nivel të deklarimeve mediatike, duke fajësuar njëra-tjetrën, ndërkohë që prindërit mbajnë gjithë barrën e grevës”, thuhet në komunikatën e këshillit të prindërve të Prishtinës, përcjell KosovaPress.

Kërkesa e tyre është që MASHT-i dhe SBAShK-u të gjejnë një marrëveshje, që të bëjnë një zgjidhje për shkollimin e fëmijëve, duke mos i’a humbur të drejtën për arsimim.

Në komunikatën e Këshillit të Prindërve të Prishtinës thuhet se: “KPP njofton publikun se nëse deri të martën, më 30 janar 2019, palët nuk arrijnë marrëveshje dhe mësimi nuk pritet të fillojë, do të bëjnë thirrje për protesta qytetarë: për të shprehur kështu pakënaqësinë e plotë me gjendjen e sistemit arsimor, duke paraqitur edhe kërkesat përkatëse”.