Çlirim Gashi
19.04.2019, 21:58

“Nëse legalizojmë një armë, kemi shpëtuar një jetë”

I ftuar në emisionin “Argument Plus”  ishte zëvendësministri i Ministrisë së Mbrojtjes, Izmi Zeka, ai bisedoi pët legalizimin e armëve në Kosovë.

Temë kryesore e bisedimit ishte legalizimi i armëve në Republikën e Kosovës. Sipas Zv.Ministrit Zeka, nëse vetëm edhe një armë legalizohet, kemi shpëtuar një jetë, shkruan rtv21.tv.

Sipas Zekës, analizat e shumta kanë treguar se rastet e vrasjeve në Kosovë por edhe më gjerë ndodhin me armë ilegale.

Sipas tij edhe pse edhe në territorin e Kosovës ka rreth 25 mijë armë me leje, 99% e rasteve të incidenteve me armë ndodhin me ato ilegale.