Nën 70 për qind, furnizimi me barna në Kosovë

Viti 2019 për Institucionet Publike Shëndetësore në Kosovë ka filluar duke mos i përmbushur kërkesat e barnave për pacientë nga lista esenciale, në këtë fillimvit furnizimi me barna dhe me material shpenzues në Kosovë është nën 70%.

Gjatë një komunikate, nga Zyra për informim në Shërbimin Spitalor Klinikë dhe Universitar të Kosovës (SHSKUK), u konfirmua se në listën esenciale furnizimi me barna në Qendrën Klinike Universitare të Kosovës (QKUK) deri më tani është 68%, furnizimi me material shpenzues është 59%, kurse furnizimi me citostatik është 62% e cila e konfirmon se ka mungesë të barnave në shtetin e Kosovës.

Në këtë vit në Kosovë, Institucionet publike shëndetësore pritet që të mos i plotësojnë kërkesat e pacientëve për furnizim të barnave nga lista esenciale dhe me material shpenzues ku për momentin është nën 70%.