Në vjeshtë mund të ndodhin zgjedhje të parakohshme

Sigurimi Internacional

Ofertë speciale

Lidhja Demokratike e Kosovës (LDK), në muajin e kalur haptas kërkoi zgjedhje të reja për arsye se qeveria aktuale ka humbur kredibilitetin. Gjatë emisionit ‘Click’ në RTV21, gazetari Lavdim Haziri tha se këto zgjedhje nuk mund të ndodhin deri në vjeshtë për shkak që interesimi është tek dialogu me shtetin Serb.

Në emisionin ‘Click’ në RTV21, gazetari Lavdim Haziri foli për këtë temën rreth kërkesës për zgjedhje të reja e cila kjo kërkesë është bërë nga LDK, ai tha se këto zgjedhje nuk mund të ndodhin deri në vjeshtë. Ai tha se në atë kohë deputetët  do t’i mbushin dy vjet kështu që në të ardhmen ata do t’i përfitojnë benificionet financiare që i kanë me ligj.

Haziri e bëri këtë njoftim sepse nuk ka interesim për zgjedhje të reja në këtë kohë, ku shprehi se opozita nuk ka interesim për zgjedhje për shkak të temave aktuale siç është dialogu me Serbinë. Ai shtoi se opozita po pret një kohë më të përshtatshme për të rrëzuar qeverinë, njofton rtv21.

Ndër të tjerash Haziri tha se: “Nuk do të ketë zgjedhje edhe disa muaj deri sa të kalojnë këto vendimet e mëdha, në vjeshtë mund të pritën zgjedhje të parakohshme, kjo qeveri prej fillimit i ka pasur problem numrat, po vazhdon në këtë mënyrë me funksionu për shkak se nuk kanë qenë të interesuar vet opozita me rrëzu qeverinë”.

Siç dihet, Zgjedhjet e fundit që u mbajtën në nivel qendror në Kosovë u mbajtën më 11 Qershor të vitit 2017, ku asnjëra parti nuk ka arritur që të fitojë votat për të formuar vet qeverinë, prandaj e formuan koalicionin qeveritar partitë si PDK-AAK dhe Nisma, ku kryeministër u zgjedh Ramush Haradinaj.