Në Suharekë arrestohen dy persona të dyshuar për ‘vjedhje në tentativë’

Policia e Kosovës ka njoftuar se me datën 9 Janar 2019, hetuesit policorë të stacionit policor në Suharekë, pas një reagimi të shpejtë të njësiteve relevante, kanë arritur të identifikojnë dhe të arrestojnë dy persona të dyshuar (F.K dhe S. K.) , të cilët dyshohet të kenë kryer veprën penale ‘vjedhje në tentativë’.

Policia e Kosovës tashmë i kanë arrestuar dy persona me inicialet F.K dhe S.K ku dyshohet se janë përfshirë në një rast të ndodhur me 9 Janar 2019, në Suharekë, ku këta të dyshuar kanë hapur edhe derën e një depos së një firme dhe në mënyrë jo të ligjshme kanë arritur të marrin gjësende të ndryshme me vlerë 1000.00 euro.

Gjatë njoftimit nga Policia e Kosovës thuhet se: “Personat e dyshuar tashmë të arrestuar dyshohet të jenë përfshirë në një rast të ndodhur me 09.01.2019 në Suharekë, ku të njëjtit kanë hapur derën e depos së një firme dhe në mënyrë të paligjshme kanë arritur të marrin gjësende të ndryshme, me vlerë mbi 1000.00 euro sipas deklaratës së viktimës. Mirëpo pas pak, falë reagimit të shpejt të njësive internuese të policisë arritur të dyshuarit janë kapur dhe vepra u cilësua si vjedhje në tentativë. Pas analizimit të rastit është konstatuar se personat e dyshuar kishin kryer një vjedhje edhe me datën 02.01.2019 po në të njëjtën ndërmarrje. Të dyshuarit veprën e kishin pranuar gjatë intervistimit.”

Lidhur me rastin janë ndërmarrë të gjitha veprimet e nevojshme procedurale, dhe pas intervistimit të dyshuarve me urdhër të prokurorit të shtetit u është shqiptuar masa e arrestit për 48 orë.