Në spitalet e Kosovës po trajtohen 630 të infektuar me COVID-19
Shërbimi Spitalor dhe Klinik Universitar i Kosovës ka bërë të ditur se në klinikat COVID-19 të QKUK-së dhe në spitalet e përgjithshme rajonale numri i pacientëve të spitalizuar ka shënuar rënie, krahasuar me ditët e kaluara. SHSKUK-ja ka bërë të ditur se duke u bazuar në raportin e punës të datës 17 prill, 2021, në […]
Shërbimi Spitalor dhe Klinik Universitar i Kosovës ka bërë të ditur se në klinikat COVID-19 të QKUK-së dhe në spitalet e përgjithshme rajonale numri i pacientëve të spitalizuar ka shënuar rënie, krahasuar me ditët e kaluara.
SHSKUK-ja ka bërë të ditur se duke u bazuar në raportin e punës të datës 17 prill, 2021, në SHSKUK janë duke u trajtuar 737 pacientë, prej tyre 630 raste janë të konfirmuar me Sars-Cov-2, 47 pacientë janë në gjendje të rënduar shëndetësore dhe 577 janë nën asistim të oksigjeno-terapisë, raporton SuharekaOnline.
Ndërsa, në spitalet e përgjithshme janë duke u trajtuar 435 pacientë prej të cilëve 376 të konfirmuar pozitivë, 19 në gjendje të rënduar shëndetësore dhe 334 janë me oksigjeno-terapi.
Në bazë të këtyre të dhënave figuron që në Spitalin Rajonal të Prizrenit janë duke u trajtuar 64 pacientë.
Njoftimi i plotë:
COVID-19: 737 pacientë po trajtohen në ShSKUK
Numri i pacientëve të spitalizuar në klinikat COVID-19 të QKUK-së dhe në spitalet e përgjithshme, ka shënuar rënie, krahasuar me ditët e kaluara. Referuar raporteve zyrtare nga këto njësi, të datës 17 prill 2021, në ShSKUK janë duke u trajtuar 737 pacientë. 630 raste janë të konfirmuarme Sars-Cov-2, 47 pacientë janë në gjendje të rënduar shëndetësore, 577 janë nën asistim të oksigjeno-terapisë.
Në QKUK janë të shtrirë 302 pacientë: 254, të konfirmuar me Sars Cov-2
28, në gjendje të rënduar
243, me oksigjeno-terapi
Numri i pacientëve të shtrirë, sipas klinikave:
Klinika Infektive, 112 pacientë
Klinika Infektive II ( Mjekësia Sportive), 57 pacientë
Klinika Infektive III ( Interno), 33 pacientë
Klinika e Pulmologjisë, 68 pacientë
Klinika e Gjinekologjisë, 4 pacientë
Mjekimi Intensiv -COVID, 19 pacientë + 8 në intensiven e Klinikës Infektive
Klinika e Pediatrisë, 5 pacientë
Në spitalet e përgjithshme janë të shtrirë 435 pacientë: 376 të konfirmuar pozitivë, 19- në gjendje të rënduar shëndetësore, 334- me oksigjeno-terapi
Numri i pacientëve të shtrirë, sipas spitaleve të përgjithshme:
Spitali i Prizrenit, 64 pacientë
Spitali i Gjakovës, 68 pacientë
Spitali i Pejës, 100 pacientë
Spitali i Gjilanit, 79 pacientë
Spitali i Ferizajt, 61 pacientë
Spitali i Mitrovicës, 43 pacientë
Spitali i Vushtrrisë, 20 pacientë