Në Kosovë për 12 muaj 263 plaçkitje shtëpitë, dyqanet e bankat

New Born Master

Kualifikohu për KODIN 95 në Maribor-Slloveni për kategorinë C, CE, D!

Viti 2018 në Kosovë, ishte viti i plaçkitjeve ku më së shumti ka pasur raste të grabitjeve të armatosura. Sipas disa të dhënave nga Policia e Kosovës, përgjatë vitit 2018 njoftuan se kanë qenë 263 raste të grabitjeve, duke e përfshirë edhe muajin Dhjetor ku në komunën e Istogut gjatë një grabitje mbeti i vdekur një polic dhe një grabitës.

Ky avaz i grabitjeve është duke vazhduar edhe në fillimin e vitit 2019, ku në ditën e Hënë, në një kompani private në Pejë ishte cak i grabitjes nga një grabitës i panjohur i cili ende ndodhet në arrati, sipas disa njoftimeve grabitësi ishte i maskuar dhe i armatosur, ku kjo grabitje cilësohet grabitje e armatosur dhe në atë objekt ka grabitur rreth 95 Euro.

Por, vetëm ky rast nuk është i vetëm ditëve të fundit janë duke ndodhur edhe grabitje të tjera ku grabitjet më të mëdha janë duke ndodhur në shtëpitë private, në banka dhe në dyqane, ku më së shumti grabitësit po plaçkitin telefonat apo çantat e krahut.

Policia e Kosovës njoftoi Gazetën Express për statistikat e grabitjeve se sa grabitje kanë ndodhur dhe janë paraqitur në Polici. Dhe në Zyrën për Informim nga Policia e Kosovës thuhet se: “Në 2018 (1 janar- 30 nëntor) janë evidentuar 263 raste të tilla. Grabitja si vepër penale kryhet në rrethana të ndryshme. Grabitësit kanë pasur caqe të ndryshme si biznese, banka, shtëpi banimi e edhe grabitjen e gjësendeve nga dora apo krahu (grabitje të telefonave apo çantave të krahut)”.

Ndërsa, Qyteti që ka pasur më së shumti raste të grabitjeve ishte Kryeqyteti i Kosovës, Prishtina ku gjithësej janë kryer 77 raste të grabitjeve.

“Rastet më të shumta të grabitjeve gjatë vitit 2018 kanë ndodhur në rajonin e Prishtinës. 77 raste te grabitjeve, 12 raste tentim grabitje, prej tyre 56 raste me Kallëzim Penal janë dërguar me kryerës te njohur në organe të drejtësisë,  37 persona janë arrestuar si të dyshuar, 10 persona të dyshuar , të identifikuar gjenden ne arrati”, thonë nga PK’ja.

Muaji Dhjetor, ndodhi një rast i grabitjes në Istog ku u trondit i gjithë vendi, ku një grabitës i quajtur Kamer Metaj ka hyrë i armatosur në bankë për ta plaçkitur atë, ndërkohë përmes një përleshje mes një policit dhe grabitësit, mbeti i vrarë polici Izet Demaj ku më pas mbeti i vdekur edhe grabitësi.