Ndahen 300 mijë euro nga Qeveria për ekipin negociator, miratoi edhe ligjin për letërnjoftim

Sot Qeveria e Kosovës ndau 300 mijë euro për ekipin negociator me Serbinë, ky vendim u bë i ditur vetëm pak pas miratimit të projektligjit për dialogun, po ashtu Qeveria ka miratuar ndryshimin dhe plotësimin e ligjit për letërnjoftim.

Qeveria e Kosvës pasi miratoi projektligjin për dialogun, ndau 300 mijë euro për ekipin negociator, po ashtu Qeveria e Kosovës miratoi edhe ndryshimin dhe plotësimin e ligjit për letërnjoftim me kërkesë të ministrit të Punëve të Brendshme, Ekrem Mustafa, ai tha se nuk ka nevoj të pritet që një person të ketë 16 vjet për të pasur të drejtë për t’u pajisur me letërnjoftim.

Prej datës së sotme, të drejtë për letërnjoftim kanë të gjithë personat duke përfshirë edhe ata të posalindur.