Mustafa: Statuti me të cilin është pajtuar Bislimi promovon autonominë e serbëve në Kosovë

Ish-kryeministri Isa Mustafa thotë se çdo fjalë e zëvendëskryeministrit Besnik Bislimi mbrëmë rreth marrëveshjes për parimit e Asociacionit të nënshkruar në vitin 2015, ishte “një pavërtetë e kulluar”.

Mustafa shkroi në Facebook se draft-statuti i Asociacionit të komunave me shumicë serbe “me të cilin është pajtuar z. Bislimi promovon Autonominë politike dhe territoriale të serbëve në Kosovë”. Ky tash, sipas tij, “nuk konsiston në asnjë formë me Marrëveshjen e vitit 2013, vetëm thirret në mënyrë abuzive në te”.