Muharremaj kërkon të vizitohen fshatrat, për të parë gjendjen pas reshjeve të borës

Kryetari i Komunës së Suharekës, Bali Muharremaj ka kërkuar nga drejtorët e drejtorive përkatëse që të gjithë të vizitojnë fshatrat e Komunës, për të parë se si qëndron gjendja në teren.

Në takimin e radhës të Këshillit të drejtorëve, kryetari i Komunës së Suharekës z.Bali Muharremaj, ka bërë një analizë për menaxhimin e gjendjes në teren gjatë reshjeve të borës si dhe ka kërkuar nga drejtorët e drejtorive përkatëse që të gjithë të vizitojnë fshatrat e Komunës, për të parë se si qëndron gjendja në teren.

Në takim u fol për grevën e mësimdhënësve, ku drejtoria e arsimit ka njoftuar që ka takuar drejtorët e shkollave dhe ka kërkuar nga ata që të respektohet qëndrimi i MASHT-it për të vazhduar mësimi si dhe të merret mendimi i Këshillit të prindërve lidhur me grevën.

Kurse nga drejtoria e Shëndetësisë u tha se të gjitha ambulancat janë duke funksionuar edhe për kundër vështirësive nga moti i ftoftë dhe reshjeve të borës.