Moti sot me diell, mundësi për vranësira dhe riga shiu

Nga Instituti Hidrometeorologjik i Kosovës (IHMK) kanë njoftuar se nga dita e mërkurë moti do të jetë më i qëndrueshëm, kështu duke krijuar një stabilitet në troposferë, deri në vikend.

Ndërkaq, për sa i përket temperaturave, ato do të mbesin pothuajse konstante me javën që lamë pas.

Minimalet do të lëvizin ndërmjet 10-15 gradë Celsius, ndërsa maksimalet e ditës parashihen të lëvizin ndërmjet 24-32 gradë Celsius.

Indeksi UV do t’i mbaj vlerat e larta. Do të fryjë erë nga drejtimi i juglindjes dhe jugperëndimit me shpejtësi 1-8m/s.