Moti sot kryesisht i ftohtë e me reshje shiu, mundësi për reshje bore

Mot i ndryshueshëm do të mbajë në Kosovë gjatë javës së dytë të marsit. Instituti Hidrometeorologjik i Kosovës (IHMK) ka njoftuar se reshje bore parashihen të martën, të mërkurën dhe në fundjavë.

Temperaturat minimale do të lëvizin ndërmjet -4 deri 1 gradë Celsius, ndërsa maksimalet e ditës parashihen të lëvizin ndërmjet 6-12 gradë Celsius.

“Java e dytë e muajit mars do të karakterizohet me mot të ndryshueshëm. Parashihen reshje në formë shiu dhe bore, në viset e ulëta dhe mesatare, ndërsa në viset e larta mbi 1000 m, parashihen reshje bore.

Reshje shiu dhe bore parashihet ditën e martë, të mërkurën dhe në fundjavë.

Temperaturat minimale do të lëvizin ndërmjet -4 deri 1 gradë Celsius, ndërsa maksimalet e ditës parashihen të lëvizin ndërmjet 6-12 gradë Celsius.

Do të fryjë erë kryesisht nga verilindja dhe jugperëndimi me shpejtësi 1-8 m/s”, njofton IHMK.