Mot i vranët dhe me riga shiu

Instituti Hidrometeorologjik i Kosovës (IHMK) përmes një njoftimi, ka bërë të ditur se gjatë këtyre dy ditëve pritet të mbajë mot i vranët dhe me intervale me diell.

Po ashtu, nga IHMK-ja kanë njoftuar se vranësira në vend parashihet që të shoqërohen me reshje shiu si dhe shkarkime rrufesh.

Gjatë ditës së sotme (e premte) do të ketë më pak riga shiu, ndërsa ditën e shtunë parashihet që të ketë më shumë reshje shiu, kështu duke bërë që të përfshihet i tërë territori i vendit me reshje.

Sa i përket temperaturave, minimale do të lëvizin ndërmjet 10 deri në 13 gradë Celsius, kurse ato maksimalet e ditës do të lëvizin ndërmjet 21-27 gradë Celsius.

Do të fryjë erë e lehtë dhe lokalisht e fortë nga drejtimi i verilindjes.