Mogherini e fiksuar pas taksës, Limaj e përsërit taksa nuk hiqet

Shefi i Ekipit Negociator, Fatmir Limaj është deklaruar para gazetarëve pas takimit që zhvilloi Kosova me përfaqësuesit e lartë të Bashkimit Evropian, në krye me Federica Mogherinin.

Limaj tregoi se me Mogherinin diskutuan një sërë çështjesh; Liberalizimi i vizave, çështja e të pagjeturve, taksa. Sipas Limajt, çështja e taksës përfundimisht hiqet në rast se  Serbia njeh Kosovën.

Në anën tjetër përfaqësuesja e Lartë e Bashkimit Evropian, Federica Mogherini, ka folur pas takimit që pati sot në Bruksel me ekipin shtetëror për dialog.

Në një njoftim zyrtar, Mogherini ka thënë se ka shfrytëzuar takimin për të kërkuar sërish që të hiqet taksa e vënë ndaj produkteve serbe.