Miratohet në parim projektligji për Gjykatën Komerciale

Miratohet në parim projektligji për Gjykatën Komerciale
Fisnik Sadiku

16.07.2021 / Lajme

Pasditen e së premtes, deputetët e Kuvendit të Kosovës kanë miratuar në parim projektligjin për Gjykatën Komerciale. Me 66 vota për, asnjë kundër dhe pesë abstenime është miratuar ky projektligj për krijimin e kësaj gjykate.

Nënkryetarja e Kuvendit të Kosovës, Saranda Bogujevci ka bërë të ditur se më pas komisioni funksional dhe komisionet e përhershme do t’i paraqesin Kuvendit të Kosovës raportin me rekomandime.

“Konstatoj se me 66 vota për, asnjë kundër, pesë abstenime, kuvendi miraton në parim projektligjin numër 08/L-015 për Gjykatën Komerciale. Kërkohet nga komisioni funksional dhe komisionet e përhershme që në afatin e paraparë me rregulloren e kuvendit ta shqyrtojnë projektligjin dhe kuvendit t’ia paraqesin raportin me rekomandime”, ka njoftuar Bogujevci.

Më tej, ajo ka bërë të ditur se kjo seancë do të vazhdojë të hënën në orën 10:00.

Nga tani në Physio Cure Clinic edhe trajtim i rrudhave, pikave të zeza dhe gjithçka për fytyrën tuaj

Pastrimi i fytyrës shërben për mirëmbajtjen e shëndetit të lëkures, kryerjen normale të funksioneve të qelizave si dhe ndriçimin e...

Lexo më shumë

Të fundit