Mikrobiologu Raka: Secili person i infektuar është sikur një bombë e kurdisur

Mikrobiologu Lul Raka ka deklaruar se është me rëndësi të dihet se sa persona në Kosovë e kanë kaluar virusin dhe mund të bëhet nëpërmjet testit të shpejt për të cilin vendi jonë nuk është i përgatitur.

Raka ka thënë se lirimi i masave pas 4 majit nuk do të jetë i plotë dhe qytetarët duhet të vazhdojnë respektimin e masave, pasi mund të na pret vala e dytë.

“Vendimin për masat e liruara pas 4 majit e merr virusi, jo ne”, ka thënë ai.

Sipas tij, ceremonitë mortore, nejat e dasma janë tipike për Kosovën, por çdo grumbullim i njerëzve është kërcënim për shëndetin publik.

Ai për Radio Televizionin Dukagjini, ka thënë se përkundër që është shpërndarë lajmi se duhanpirësit nuk rrezikohen nga koronavirusi për shkak se virusi nuk e do nikotinën, tha se kjo nuk është e vërtet. 

RAPORTO