Mësimdhënësit nuk e “formatin” Bali Muharremajn!

Kryetari i Komunës së Suharekës, Bali Muharremaj mbrëmë u është drejtuar mësimdhënësve për fillimin e procesit mësimor.

Si Komunë e Suharekës apelojmë tek mësimdhënësit, që të rifillojnë nesër procesin mësimor dhe që nxënësit të mos e humbasin mësimin.
Konsiderojmë se Qeveria në këtë moment ka reflektuar ndaj kërkesave të grevistëve, duke e konsideruar si hap të rëndësishëm në ngritje të pagave, kishte shkruar Muharremaj në Facebook.

Mirëpo një gjë e tillë nuk është marrë fare parasysh nga mësimdhënësit të cilët edhe sot si javën e kaluar kanë qëndruar unik për të vazhduar grevën.

Edhe pas shumë thirrjeve që kanë bërë kryetarët e Komunave edhe ministri i Arsimit, informacionet tona tregojnë që greva është njëjtë sikur në ditët tjera dhe që asnjë shkollë nuk ka filluar mësimin në Kosovë. Ne do të marrim edhe informacione tjera nga tereni, dhe do të tregojmë situatën reale dhe nuk do ta zbukurojmë, por edhe sot institucionet e arsimit janë unike dhe greva nuk është thyer.

Mbrëmë disa kryetarë të komunave të Kosovës kryesisht nga partia e kryeministrit nga AAK kanë bërë thirrje për fillimin e procesit mësimor.