Mërgimtarët kthehen në vendet nga kanë ardhur – Pritje deri në tri orë për të dal nga Merdarja

Bashkatdhetarë të cilët i kanë kaluar disa ditë në Kosovë për të festuar me familjarët e tyre për festat e fund vitit, kanë krijuar kolona të gjata në pikë kalimet kufitare, pasi po kthehen në vendet e tyre në shtetet e Evropës, aty ku jetojnë e veprojnë.

Kolonë 1 mijë metra në dalje, e 900 metra në hyrje është krijuar në pikëkalimin kufitar në Merdare aktualisht.

Për të dalë nga Kosova përmes kësaj pike, mërgimtarët po presin deri në deri në 3 orë e gjysmë, e për të hyrë deri në gati dy orë.

Sipas përditësimit të fundit të Qendrës Kombëtare për Menaxhim Kufitar, pritje të gjata ka edhe në Jarinjë dhe te Dheu i Bardhë. Pritjet për të dalë nga këto pika kufitare po zgjasin 1 orë e gjysmë.

Në Muçibabë pritjet në dalje janë 30 minuta, derisa në pikat tjera kufitare nga 3 deri në 5 minuta.