Lajme

Mblidhet KQZ-ja pas vendimit të PZAP-së

Komisioni Qendror i Zgjedhjeve (KQZ) mban mbledhje në ora 15:30, pas vendimit të PZAP-së.

PZAP-ja ka marrë vendim që pas 52 ankesave që janë bërë, të ketë rinumërim të 1472 vendvotimeve.

Po ashtu PZAP, ka marrë vendim në favor të ankesës së koalicionit Nisma-AKR-PD lidhur me votat e Serbisë.

“Lidhur me ankesën e parashtruar nga Koalicioni Nisma – AKR – PD, ka vendosur që të pranoj të bazuar ankesën dhe ka urdhëruar KQZ-në, që të largoj nga rezultati përfundimtar i zgjedhjeve votat e votuesve jashtë Kosovës të ardhura nga Serbia”, thuhet në vendimin e PZAP-së.

Javën e kaluar KQZ bëri shpalljen e rezultateve përfundimtare të zgjedhjeve, ndërkaq Nisma kundërshtoi këto rezultate duke akuzuar KQZ-së se i ka fabrikuar.

Rendi i ditës:

1. Hyrje – Valdete Daka, kryesuese e mbledhjes së KQZ-së;

2. Njoftim lidhur me vendimet e Panelit Zgjedhor për Ankesa dhe Parashtresa dhe rrjedhën e procesit zgjedhor;

3. Raport nga Këshilli për Çështje Ligjore:

– Shqyrtimi dhe miratimi i kërkesës për zëvendësimin e anëtarit të Kuvendit Komunal në Pejë dhe Klinë.

4. Të ndryshme;

© SuharekaOnline. Të gjitha të drejtat janë të rezervuara.