Mbi 3000 persona janë shëruar nga COVID-19 në Kosovë

Numri i personave të shëruar në Kosovë nga koronavirusi ka tejkaluar shifrën prej tre mijë.

Sipas Institutit Kombëtar të Shëndetësisë Publike të Kosovës, deri më tani në vend betejën me Covid-19 e kanë fituar 3.069 persona.

Vetëm sot numri i të shëruarve ishte 101.

Ndërkohë 142 rastet e reja e çuan numrin e të infektuarve në 5.877.

Pas shfaqjes për herë të parë në qytetin Wuhan të Kinës, COVID-19 u përhap në mbarë botën duke u shndërruar në pandemi.

Në të gjithë botën, sipas “Worldometers.info nga COVID-19 janë shëruar 8,804,227 persona.

Ndërkohë 610,816 kanë humbur jetën nga 14,748,711 raste pozitive.

© SuharekaOnline. Të gjitha të drejtat janë të rezervuara.