Mbi 241 mijë qytetarë të vaksinuar kundër COVID-19 në Kosovë

Ministria e Shëndetësisë ka njoftuar se deri më tani në Kosovë kundër COVID-19 janë vaksinuar gjithsejt 241 mijë e 123 persona.

Duke u bazuar në të dhënat e Institutit Kombëtar të Shëndetësisë Publike gjatë 24 orëve vaksinën e kanë marrë 9 mijë e 608 persona.

Ndërsa sa i përket vaksinimit me dozën e dytë, deri tani plotësisht ndaj COVID-19 janë vaksinuar 102 mijë e 210 persona.

IKSHPK bën me dije se gjatë 24 orëve të fundit janë shënuar 19 raste të reja me COVID-19, derisa nuk është shënuar asnjë rast i vdekjes.

Gjatë kësaj kohe janë shëruar 7 persona, derisa numri i përgjithshëm i të shëruarve është 105.582.

“Në 24 orët e fundit janë dhënë 9.608 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 343.333 doza të vaksinës. Deri më sot 102.210 qytetarë janë vaksinuar me dozën e dytë.”, thuhet në njoftimin e Ministrisë së Shëndetësisë.