Mbi 12,790 kurorëzime gjatë 2020’s, numër ky më i vogël se në vitet e kaluara!
Agjencia e Statistikave të Kosovës ka publikuar të dhëna zyrtare të veçanta dhe gjithëpërfshirëse, të cilat janë mbledhur për seri të ndryshme kohore e që kanë të bëjnë me Kosovën. Në këto statistika ndër të tjera janë të përfshira edhe statistikat vitale në të cilat hynë numri i lindjeve, vdekjeve, kurorëzimeve dhe shkurorëzimeve për 5 […]
Agjencia e Statistikave të Kosovës ka publikuar të dhëna zyrtare të veçanta dhe gjithëpërfshirëse, të cilat janë mbledhur për seri të ndryshme kohore e që kanë të bëjnë me Kosovën.
Në këto statistika ndër të tjera janë të përfshira edhe statistikat vitale në të cilat hynë numri i lindjeve, vdekjeve, kurorëzimeve dhe shkurorëzimeve për 5 vitet e fundit (2015-2020).
Nga këto statistika të ASK-së bëhet e ditur se numri i kurorëzimeve nga viti 2015 deri në vitin 2020 ka qenë i ndryshueshëm, me ç’rast ka shënuar rënie të dukshme, raporton SuharekaOnline.
Gjithashtu është bërë e ditur se edhe numri i shkurorëzimeve gjatë vitit 2020 ka qenë rreth 220, numër ky dukshëm më i vogël se ai i 2015’ës i cili ka qenë rreth 1.234.
Në tabelën e mëposhtme është paraqitur numri i kurorëzimeve dhe shkurorëzimeve nga viti 2015 deri në 2020.
Viti | Kurorëzime | Shkurorëzime |
2015 | 17.229 | 1.234 |
2016 | 15.832 | 817 |
2017 | 17.406 | 674 |
2018 | 16.956 | 713 |
2019 | 17.852 | 722 |
2020 | 12.793 | 220 |