MASh hap konkursin për ndarjen e bursave, 2019-2020

Ministria e Arsimit dhe Shkencës me anë të një postimi në facebook ka bërë të ditur për studentat e Universitetit publik se MASh ka hapur konkursin për ndarjen e bursave për studentët elitarë të universiteteve publike të niveleve Baçelor dhe Master për vitin akademik 2019-2020 dhe duke marrë parasysh rrethanat e shkaktuara nga pandemia COVID-19

MASh ka sqaruar që këtë vitë aplikimi për bursa bëhet në mënyrë online përmes Sistemit Elektronik për Menaxhimin e Studentëve të Universiteteve publike.

Pra, studentët është dashur të aplikojnë në institucionet ku ata studiojnë.

Ndërkohë, rezultatet e përfituesve të bursave ende nuk janë publikuar nga MASh, për arsye se, Komisioni për ndarjen e bursave për vitin akademik 2019/2020 i MASh ka konstatuar se një pjesë e listave të dërguara nga universitetet publike (respektivisht Universiteti i Prishtinës dhe Universiteti i Gjakovës), nuk e kanë pasur dokumentacionin e kompletuar siç është kërkuar.
Komisioni ka konstatuar se, listat përfundimtare me përfitues duhet edhe njëherë të shikohen nga universitetet dhe të dërgohen të qarta, me emrat e përfituesve.

Gjatë ditës së sotme i kanë dorëzuar në MASh listat edhe Universiteti i Prishtinës dhe ai i Gjakovës, prandaj MASh njofton se Komisioni brenda Ministrisë gjatë ditës së hënë (24 gusht 2020) do ta mbajë takimin për të shqyrtuar dokumentacionin e kompletuar të të gjitha universiteteve publike dhe të përfundojë këtë proces.

© SuharekaOnline. Të gjitha të drejtat janë të rezervuara.