Maqedonci: FSK e gatshme për stërvitje me britanikët
Ministri i Mbrojtjes, Ejup Maqedonci, njofton se Forca e Sigurisë së Kosovës ka përfundua trajnimin e përbashkët me Forcat e Armatosura të Shqipërisë në […]
Ministri i Mbrojtjes, Ejup Maqedonci, njofton se Forca e Sigurisë së Kosovës ka përfundua trajnimin e përbashkët me Forcat e Armatosura të Shqipërisë në bazën ushtarake-detare në Kepin e Palit para dislokimit në Belize, stërvitje që realizohet në bashkëpunimit me Mbretërinë e Bashkuar.
Maqedonci në një postim në Facebook, FSK-ja është një forcë profesionale dhe e ndërveprueshme me partnerët tanë strategjik, shtetet anëtare të NATO-s.
“Forcat tona përfundojnë trajnimin e përbashkët me Forcat e Armatosura të Shqipërisë në bazën ushtarake-detare në Kepin e Palit para dislokimit në Belize, stërvitje që realizohet në kuadër të bashkëpunimit bilateral me Mbretërinë e Bashkuar. FSK, Forcë profesionale dhe e ndërveprueshme me partnerët tanë strategjik, shtetet anëtare të NATO-s. FSK, Krenaria jonë!”, ka shkruar Maqedonci në Facebook.