Lul Raka: 93% e personave të shtrirë në spital s’kanë qenë të vaksinuar

Mikrobiologu Lul Raka ka bërë thirrje sot që kosovarët të vaksinohen në mënyrë që të mbrohen ndaj virusit vdekjeprurës, COVID-19.

14.11.2021 / Lajme

Lul Raka: 93% e personave të shtrirë në spital s’kanë qenë të vaksinuar
Foto: Ilustrim

Ai tha se varianti Delta i koronavirusit ka afër 56 pasardhës apo nënvariante.

Ndërkohë, Raka bëri të dtur se në Kosovë, 93% e personave të shtrirë në spital NUK kanë qenë të vaksinuar!


Postimi i tij i plotë:

VAKSINOHU!

– Varianti Delta i koronavirusit ka afër 56 pasardhës apo nënvariante. “Delta plusi” ose AY.4.2 është vetëm njëri prej tyre. Deri në fund të pandemisë bota do të njohë edhe variante të reja, sepse mutacionet që ndodhin në viruse janë fenomen normal në biologjinë e tyre.

– Nuk ka nevojë për panikë nga nënvarianti i ri, sepse armën më efikase të përballjes me të e kemi në duart tona – Vaksinën! Atë thjesht duhet ta shfrytëzojmë!

– Edhe ndaj këtij nënvarianti, vaksina është shumë efikase në uljen e rrezikut të vdekjes, sëmundjes së rëndë apo shtrimit në spital.

– Në Kosovë, 93% e personave të shtrirë në spital NUK kanë qenë të vaksinuar!

– Prej fillimit të pandemisë i kemi mësuar masat për parandalim, kontrollë dhe inspektim ndaj Covid-19, por shpesh nuk i kemi zbatuar në praktikë.

– Në kohën e rritjes së numrit  të rasteve dhe vdekjeve kudo përreth nesh, të gjithë ata që ende nuk janë vaksinuar, tash është koha më e mirë për vaksinim.

– Sot, stoqet me vaksina janë plot; nuk keni nevojë për termin dhe mund ta merrni vaksinën kudo.

– VAKSINOHU! NESËR MUND JETË SHUMË VONË!

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë
KOMENTE0

Leave a Reply

Your email address will not be published. Required fields are marked *