Limaj në Suharekë: Nëse keni problem me qeverinë ndryshone, por mos hiqni dorë nga shteti

Ai ka thënë se të rinjtë duhet të aktivizohen në jetën politike. Theranda, sipas tij, është një qytetet shembull për Kosovën për aktivizimin rinorë.

Limaj ka thënë se gjenerata e tyre janë lindur e rritur në një vend të pushtuar ku i janë cenuar të drejtat. Ëndërra e vetme e tyre, Limaj ka thënë se ka qenë Liria e Kosovës.
Kryetari i Nismës ka ftuar rininë të mobilizohen dhe ta ndërtojnë një ëndërr.

“A ka mundësi që ëndrra e rinisë së Kosovës të jetë shtetndertimi. Për ta bërë këtë shtet të fuqishëm dhe këtë vend s’mund ta bëjmë pa rininë. Nga rinia sot kërkohet punë dhe angazhim”, ka thënë Limaj të premten në Therandë.
Më tutje, ai ka ftuar të rinjtë që nëse kanë problem me qeverinë ta ndryshojnë, por mos të heqin dorë nga shteti.

Limaj ka ftuar djemtë e vajzat të drejtohen drejt Qendrave të Aftësimit Profesional dhe të marrin nga një zanat dhe shteti, thotë Limaj, do të iu siguroj punësimin.