Kurti: Pres që Bashkimi Evropian të jetë më aktiv dhe më i qartë

  • 16.08.2022
Kurti: Pres që Bashkimi Evropian të jetë më aktiv dhe më i qartë

“Ne kemi të drejtë të presim më shumë nga BE-ja, veçanërisht për të treguar më shumë qartësi dhe vendosmëri për pozicionet e saj, sidomos kur bëhet fjalë për ngjarje si barrikadat dhe incidentet e fundit”, ka theksuar Kurti në një intervistë për redaksinë e BBC-së në gjuhën serbe.

I pari i ezekutivit kosovar ka folur edhe për takimin e 18 gushtit në Bruksel me presidentin serb, Aleksandër Vuçiq, teksa për atë nëse ky takim mund të jetë historik, ai është shprehur:


“Është herët të thuhet se si do të përfundojë dhe çfarë karakteri do të ketë takimi. Ky takim është dashur të mbahet më 19 korrik, por presidenti serb ka kërkuar që të shtyhet për një muaj”, ka shtuar Kurti.

“Bisedimet po zhvillohen në dy pista dhe e para është takimi i liderëve ku do të kemi dy pika: elementet e kornizës së përgjithshme të marrëveshjes dhe çështjet aktuale. Shpresoj se do të vazhdojmë në atë mënyrë. Këto dy pika janë shumë të përgjithshme, por shpresoj se do të futemi në tema më specifike teksa bisedimet do të zhvillohen”, ka nënvizuar kryeministri, i cili si pistë të dytë ka përmendur bisedimet e ekipeve negociatore të udhëhequra nga zëvendëskryeministri Besnik Bislimi dhe Petar Petkoviq, shef i të ashtuquajturës zyrë për Kosovë në Qeverinë e Serbisë.

Kurti ka thënë se 1 shtatori do të jetë një ditë normale, datë kur pritet të nisë reciprociteti për lëshimin e dokumenteve për hyrje dalje për shtetasit serbë.

 “1 shtatori do të jetë një ditë normale në pikat kufitare – ose do të nxjerrim dokumente për hyrje-dalje, ose do t’i anulojmë të dyja palët”, ka thënë Kurti, i cili nuk e ka përjashtuar mundësinë për të diskutuar për këtë temë në pikën e çështjeve aktuale në takimin e 18 gushtit.

I pyetur nëse kjo është realisht platforma e tij negociuese në bisedimet e Brukselit, Kurti tha se një propozim të tillë tashmë ia kishte paraqitur presidentit serb në një takim të organizuar në kuadër të iniciativës së bashkëpunimit të liderëve rajonalë në Bërdo Brioni.

“I thashë (Aleksandar Vuçiqit, v.j.) pranoi dokumentet, ai më tha jo kjo është e papranueshme sepse kështu do të njihej pavarësia e Kosovës. Edhe pse kjo nuk do të ishte mirë – i thashë se kjo nuk është e vërtetë, pasi edhe Rumania, Sllovakia e Greqia nuk e njohin pavarësinë, por dokumentet e Kosovës, po. Nëse Serbia dëshiron të anëtarësohet në BE, së pari është e rëndësishme t’u bashkohet atyre anëtarëve të BE-së që nuk e kanë njohur ende pavarësinë e Kosovës”, ka nënvizuar Kurti.

Kryeministri Kurti gjatë kësaj interviste ka thënë po ashtu se qytetarët serbë të Kosovës nuk janë duke e kërkuar Asociacionin, por thjesht duan vende pune, drejtësi, ekonomi më të mirë dhe luftë kundër korrupsionit.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë