Kurti: Populli ynë i beson grave aq sa burrave, prandaj Komandante Supreme e kemi caktuar Presidenten Osmani

  • 22.10.2022
Kurti: Populli ynë i beson grave aq sa burrave, prandaj Komandante Supreme e kemi caktuar Presidenten Osmani

Kryeministri i vendit, Albin Kurti, gjatë Forumit Ndërkombëtar Gratë, Paqja dhe Siguria, ka thënë se populli i Kosovës i beson grave po aq sa burrave.

Ai tha se kur bëhet fjalët për çështjet e sigurisë, qytetarët e institucionet kanë caktuar si komandante Supreme, presidenten e vendit, Vjosa Osmani..

Sipas Kurtit, Gratë i përgjigjen thirrjeve të çdoditshme për paqe dhe siguri, sikur të jetë përpjekja e tyre jetësore, pasi sipas tij, gratë janë më të interesuara për politikat e paqes dhe sigurisë sepse edhe kërcënohen më së shumti nga mungesa e këtyre elementeve.


Fjalimi i plotë i kryeministrit Kurti:

Mirëmëngjesi të gjithëve,
E nderuara Presidente e Republikës Kosovës, znj. Vjosa Osmani Sadriu,
I nderuari President i Republikës së Maltës, Geroge Vella,
E nderuara Zëvendëspresidentja e Republikës së Palaut, Uduch Sengebau Senior,
E nderuara Zëvendëskryeministre dhe ministre e Çështjeve Evropiane të Qeverisë së Malit të Zi, Jovana Marović,
I nderuari Zëvendëskryeministër i Republikës së Maqedonisë së Veriut, Artan Grubi,
Të dashur liderë, ekspertë, akademikë, përfaqësuesi të shoqërisë civile,
Të dashur anëtarë të Kuvendit të Republikës së Kosovës dhe të dashur ministra të Kabinetit,
Zonja dhe zotërinj,

Është kënaqësi që jam sot mes jush, në hapje të Forumit Gratë, Paqja dhe Siguria. Është kënaqësi që jemi bashkë në këtë temë kaq të rëndësishme. “Gratë, paqja dhe siguria”, nuk është veçse temë por edhe mision. Është si trinom i pandashëm.

Shpesh është dukur që thirrja për siguri i drejtohet burrave së pari. Çdo ditë e më shumë po shihet se nuk është e saktë. Gratë i përgjigjen edhe thirrjeve emergjente edhe thirrjeve të përditshme për paqe e siguri. Sikur që është vetë përpjekja e jetës së tyre. Sepse gratë janë më të interesuarat për paqen dhe politikat e sigurisë. Ndoshta se ato janë më të kërcënuarat nga mungesa e këtyre dyjave. Andaj gati secila bëhet gardiane e kësaj qetësie të kërkuar. Siguri për gratë dhe burrat kudo. Paqe për të gjithë anëtarët e shoqërisë.

Të nderuar të pranishëm,

Nuk ka pasur asnjë etapë ku gratë nuk janë përfshirë në thirrjet e përpjekjet për liri dhe paqe. Angazhimi i grave dhe vajzave të Kosovës nuk ka munguar as për shtetndërtim dhe nuk mungon në mbajtjen dhe funksionimin e shtetit tonë çdo ditë. Ato kanë mbajtur armë, bukë, laps, mikrofona dhe megafona në dorë me të vetmen kërkesë. Paqe, por paqe për të gjithë. Për veten dhe për fëmijët e tyre. Për kombin dhe për të ardhmen. Dhe historitë e ngjashme kanë plot shtete të përcaktuara drejt vlerave demokratike siç është edhe shteti ynë.

Të nderuara zonja dhe zotërinj,

Duke parë luftën në Ukrainë teksa po zhvillohet, kujtojmë prapa në kohë luftën tonë për liri – gra dhe burra, vajza dhe djem së bashku. Pjesëmarrja e grave dhe vajzave në forca të rendit dhe sigurisë e tejkalon vetveten. Është edhe trasim i rrugës për çdo vajzë që ndjekë këtë drejtim në jetë me guxim dhe vendosmëri.

Numri aktual i grave dhe vajzave në Forcës së Sigurisë së Kosovës dhe Policisë së Kosovës është domethënës, por patjetër duhet rritet edhe më tej. Nuk ka garanci tjetër për paqen dhe sigurinë pos që ajo të realizohet nga gratë dhe burrat bashkë. Por nuk ka as tjetër alternativë. Kjo është garancia më e drejta, më e sigurta dhe më e efektshmja e mundshme. Më shumë gra në forcat dhe organet e rendit do të thotë edhe promovim e realizim më i mirë i të drejtave të njeriut dhe të pakicave.

Interesimi dhe numri në rritje i grave e vajzave në fushën e sigurisë është tregues i mirë për orientimin dhe të ardhmen e vendit tonë.

Gratë dhe vajzat e Kosovës kanë sakrifikuar shumë. Ato kanë qenë edhe viktima e kanë qenë edhe luftëtare. Ato kanë kontribuar në shumë kategori. Kanë kontribuar edhe më shumë në demokratizimin e institucioneve të Republikës. Prandaj, mbështetja dhe inkurajimi i tyre është detyrë për mua.

Shembujt aktualë e historikë janë të shumtë. Gratë jo veç i kanë ndihmuar politikat e sigurisë por edhe i kanë udhëhequr ato. Andaj edhe populli ynë u beson grave njëjtë sikur edhe burrave kur vjen fjala për çështje të sigurisë. Si qytetarë dhe si institucione jemi përcaktuar për Komandanten Supreme, për Presidenten e Republikës, znj. Vjosa Osmani Sadriu.

Të nderuar pjesëmarrës të Forumit Gratë, Paqja dhe Siguria,

Pavarësisht përparimeve dhe ndryshimeve pozitive që kemi bërë si shoqëri dhe si shtete, sfidat janë gjithashtu të mëdha. Ne shohim gjithkund, në çdo institucion, edhe ato të sigurisë, dijen, kontributin, përvojën dhe praninë e grave. Por synimi ynë është shumë më shumë. Pjesëmarrje e barabartë gjithkund.

Andaj si Kryeministër i Republikës së Kosovës shpreh gatishmërinë, vullnetin dhe mbështetjen time të plotë e të pakursyer në fuqizimin e rolit të grave dhe rritjen e pjesëmarrjes së tyre.

Avancimi i realizimit të të drejtave në vendimmarrje, paqe, siguri dhe drejtësi, garantimin e arritjes së barazisë gjinore. Ky është një Objektivi i tretë strategjik i Programit të Kosovës për barazi gjinore 2020 -2024, drejt arritjes të së cilit jemi të angazhuar bashkë në Kosovë.

Pjesëmarrja e grave në vendimmarrje, institucione dhe forca të rendit e sigurisë, është domosdoshmëri. Nuk mjafton vetëm përfshirja formale, nevojitet pjesëmarrja aktive. Përfshirja do të thotë kontribut i grave, por pjesëmarrja do të thotë se edhe fitojnë ato. Gratë japin kontribut, andaj duhet edhe të përfitojnë. Barazia gjinore do të thotë liri, jo vetëm integrim; do të thotë pjesëmarrje, jo vetëm përfshirje. Nëse nuk ka zë gruaje në përgjigjen institucionale ndaj të gjitha kërcënimeve të sigurisë njerëzore, edhe reagimi do të jetë gjysmak, i pa balancuar.
Ashtu do të humbasim nuancat e domosdoshme për përgjigje efikase, për të shpëtuar jetën, dinjitetin dhe vlerat qytetare.

Grave duhet t’u njihet kontributi sepse u është mohuar shumë gjatë. Ato duhet të marrin pjesë sepse ato duhet të kenë këtë drejtë dhe se e meritojnë.

Të dashur miq,

Kur flasim për paqen, përfundojmë duke folur për drejtësi dhe siguri; kur flasim për siguri, përfundojmë duke folur për ekonomi dhe demokraci; kur flasim për demokraci, përfundojmë duke folur për gratë dhe rininë. Andaj, le të ia fillojmë me gratë, vazhdojmë me rininë dhe sigurisht arrijmë paqe dhe siguri.

Ju faleminderit shumë!

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë