Kurti: Liridona Ademaj u vra se ishte grua, arrestimi i kriminelëve nuk po mjafton

03.12.2023

Kryeministri Albin Kurti shkroi se “normat shtypëse patriarkale janë të shpërndara gjerë” dhe se “arrestimi i kryeminelëve nuk po mjafton, në një reagim në Facebook lidhur me vrasjen makabre të 30-vjeçares Liridona Ademaj. Kurti shkroi se kryesit e krimeve nuk po marrin dënime meritore dhe kësisoj “barra e padrejtësive të sistemit” po bie “mbi supet […]

Kurti: Liridona Ademaj u vra se ishte grua, arrestimi i kriminelëve nuk po mjafton Foto: Ilustrim

Kryeministri Albin Kurti shkroi se “normat shtypëse patriarkale janë të shpërndara gjerë” dhe se “arrestimi i kryeminelëve nuk po mjafton, në një reagim në Facebook lidhur me vrasjen makabre të 30-vjeçares Liridona Ademaj.

Kurti shkroi se kryesit e krimeve nuk po marrin dënime meritore dhe kësisoj “barra e padrejtësive të sistemit” po bie “mbi supet e grave dhe vajzave”.

“Liridona Ademaj u vra me paramendim. U vra se ishte grua. Gratë dhe vajzat po vazhdojnë të vriten, gjersa normat shtypëse patriarkale ende janë të shpërndara gjerë. Arrestimi i kriminelëve nuk po mjafton. Barra e padrejtësive të sistemit të drejtësisë vazhdon të bie mbi supet e grave dhe vajzave, përderisa kryesit e krimeve nuk marrin dënime meritore”, shkroi Kurti.

“Sot ishte seanca dëgjimore, ku tre të dyshuarve iu caktua nga një muaj paraburgim. Urdhërdhënësi, dorasi dhe bashkëpunëtori në vrasjen e Liridonës duhet të ndëshkohen dhe ta marrin dënimin maksimal. Kjo bëhet me një sistem prokurorial e gjyqësor efektiv dhe të vetëdijshëm për detyrën e lartë shoqërore që bartin. Dhimbja është e madhe. Ndërgjegja është kolektive, në secilën familje, shtëpi”, shtoi ai.

Kurti tha se “për ta parandaluar këso krime makabër, duhet të punojmë secili e secila, në secilën fushë e vend.

“Këtë kulturë patriarkale e mizogjene, këtë maskulinitet të dhunshëm e toksik e zhdukim vetëm ashtu”, shkroi Kurti.

“E qytetarët e Republikës presin nga zyrtarët publikë që punojnë (apo kanë punuar) në institucionet shtetërore se duhet të jenë shembull pozitiv e progresiv në shoqëri për sjelljen e tyre ndaj partnerëve dhe në familje e jo kriminelë a mujsharë që besojnë se ia dalin”, shkroi kryeministri në reagimin e tij Facebook