Kurti: Familjet që fitojnë më pak se 5 mijë euro në vit do të përfitojnë 150 euro për fëmijë

Kryetari i Lëvizjes Vetëvendosje, subjekt ky i cili fitoi zgjedhjet parlamentare, Albin Kurti ka thënë se familjet që fitojnë më pak se 5 mijë euro në vit do të përfitojnë 150 euro për fëmijë.

Kurti ka shkruar në Twitter se nënat e papuna do të përfitojnë 250 euro në gjashtë muajt e parë të amësisë së tyre.

Po ashtu Kurti në këtë rrjet social ka shkruar se të gjitha familjet do të marrin 20 euro për fëmijët nën 2 vjeç dhe 10 euro për fëmijët nga 2 deri në 6 vjet. 160 çerdhe do të hapen për të mundësuar përkujdesje dhe edukim të hershme për fëmijët tanë. Ushqim falas do të ofrohet për të gjithë fëmijë nga klasa e parë deri në të pestën

Shkrimi i plotë:

“Neni 50 i kushtetutës sonë i garanton mbrojtjen, kujdesin dhe mirëqenien e fëmijëve tanë. Prindërit do të kenë pushim 12-mujor të amësisë/atësisë, ndërsa nënat e papuna do të përfitojnë 250 euro në 6 muajt e parë të amësisë së tyre.

Asnjë fëmijë nuk duhet të jetë i uritur apo të lihet pas dore”. Nëse një familje fiton më pak se 7 mijë euro për vit, do të përfitojnë 50 euro për një fëmijë, familjet që fitojnë më pak se 6 mijë euro në vit do të përfitojnë 100 euro për fëmijë, familjet që fitojnë më pak se 5 mijë euro në vit do të përfitojnë 150 euro për fëmijë.

Të gjitha familjet do të marrin 20 euro për fëmijët nën 2 vjeç dhe 10 euro për fëmijët nga 2 deri në 6 vjet. 160 çerdhe do të happen për të mundësuar përkujdesje dhe edukim të hershme për fëmijët tanë.

Ushqim falas do të ofrohet për të gjithë fëmijë nga klasa e parë deri në të pestën”, ka shkruar ai.

Article 50 of our Constitution guarantees protection, care & wellbeing of our children.
Parents will have 12 months of maternity/paternity leave, while unemployed mothers will benefit 250€ in the first 6 months of their motherhood.

No child must go hungry nor be left behind.

— Albin Kurti (@albinkurti) February 20, 2021