Kryeministri Kurti premton rritjen e pagës minimale në 250 euro

Po ashtu, kryeministri Kurti ka theksuar se në vendin tonë është ende problematike punësimi i pasigurt, ku për këtë, ai ka shtuar se do të bëjnë pesëfishimin e inspektorëve në terren.

Të gjitha këto, Kurti i ka thënë në kongresin zgjedhor të Bashkimit të Sindikatave të Pavarura të Kosovës (BSPK).

Ai është shprehur se falë organizimit sindikal në botë pushohet gjatë vikendeve e punohet me tetë (8) orë.

Sipas kryeministrit Kurti të qenurit i papunë nuk është problemi i vetëm, kur je në punë ka shumë probleme, duke filluar nga mungesa e sigurimit shëndetësor, mos pagesa gjatë punës mbas orarit etj.

“Falë organizimit sindikal në botë pushohet gjatë vikendeve e punohet me 8 orë. Është e gjatë lista që ka pasë ndikim në jetën tonë veprimet sindikale. Dekada e fundit për punëtorin kosovar ka qenë e kobshme për shkak të regjimit të Millosheviqit, e pastaj nuk kanë mundur të kthehen më në punë. E dimë që kemi papunësi të mëdha në Kosovë.

Të qenurit i papunë nuk është problemi i vetëm, kur je në punë ka shumë probleme, mungesa e sigurimit shëndetësor, mos pagesa gjatë punës mbas orarit etj. Punësimi i pasigurt është problem i madh. Pandemia e ka pasur një anë pozitive për punëtorët, ka reflektuar te shoqëria për punët që më herët nuk i kanë dhënë rëndësi.

Gjendja e punëtorëve është trashëgimi që jemi përballur nga dita e parë e punës. Do ta pesëfishojmë numrin e inspektorëve. Paga minimale do ta risim në 250 euro”.