KQZ thotë se 225 vendvotime do të hetohen

Ndërkaq, në mbledhjen e KQZ-së, është bërë e ditur se numërimi i këtyre votave do të fillojë shumë shpejt, ndërsa 225 vendvotime do të hetohen dhe krahasohen me të dhënat e shënuara në vendvotim.

Shefi i Sekretariatit të Komisionit Qendror të Zgjedhjeve (KQZ), Burim Ahmetaj ka njoftuar se gjatë ditës së shtunë do të bëhet fillimi i procesit të verifikimit apo krahasimit të rezultateve të shënuara në formularë me rezultatet e kandidatëve, përkundrejt rezultateve të shënuara në fletët llogaritës të kandidatëve.

Po ashtu, Ahmetaj ka theksuar se ky hetim do të bëhet me masën 10 për qind (%) dhe nga barazimet totale rezulton se janë 255 vendvotime në të cilat do të bëhet hetimi i tyre dhe do të krahasohen me të dhënat që janë shënuar në vendvotim, në mënyrë që të shohin se sa kanë qenë të sakta rezultatet e shënuara në formularët e rezultateve të kandidatëve.

“Sot do të fillojë po ashtu procesi i verifikimit apo krahasimit të rezultateve të shënuar në formularë të rezultateve të kandidatëve, përkundrejt rezultateve të shënuara në fletët llogaritëse të kandidatëve.

Ky hetim do të bëhet me masën 10 për qind dhe nga barazimet tatale rezulton se janë 255 vendvotime të cilat do të hetohen dhe do të krahasohen me të dhënat që janë shënuar në vendvotim me qëllim që të shohim se sa kanë qenë të sakta rezultatet e shënuara në formularët e rezultateve të kandidatëve”, ka njoftuar ai.