KQZ miraton planin operacional për balotazhin, fushata zgjedhore do të jetë pesë ditë

Kështu ka bërë të ditur zëdhënësi i KQZ-së, Valmir Elezi, ku ka bërë të ditur se fushata zgjedhore për balotazhin do të jetë pesë ditë, nga 8 nëntori deri më 12 nëntor.

“Komisioni Qendror i Zgjedhjeve ka miratuar planin operacional për organizimin e raundit të dytë të zgjedhjeve për kryetarë të komunave…. Fushata zgjedhore për subjektet politike dhe kandidatët për kryetarë do të jetë pesë ditë. Do të fillojë nga 8 nëntori dhe do të përfundojë më 12 nëntor”, tha ai.

Po ashtu, Elezi ka bërë të ditur se për votuesit nga jashtë që janë regjistruar suksesshëm si votues jashtë vendit nga 10 korriku deri më 18 gusht, Komisioni Qendror i Zgjedhjeve (KQZ) ka vendosur 15 ditë në dispozicion që t’i dërgojnë fletëvotimet e tyre përmes postës.

Gjithashtu, zëdhënësi i KQZ-së ka theksuar se kjo do të fillojë nga 29 tetori, ndërkaq fletëvotimet duhet të pranohen nga KQZ më së largu deri më 12 nëntor.