KQZ-ja kryen pagesat për personat që u angazhuan në zgjedhjet e 14 shkurtit

Kanë kaluar më shumë se një muaj që nga përfundimi i zgjedhjeve parlamentare, ku fituese e këtyre zgjedhjeve doli Lëvizja Vetëvendosje me 50.28 për qind të votave.

Kryeshefi i Sekretariatit të KQZ-së, Burim Ahmetaj ka bërë të ditur se tashmë janë kryer të gjitha pagesat për personat që u angazhuan në zgjedhjet e 14 shkurtit.

Ahmetaj ka shtuar se pagesat e fundit do të bëhen për disa komuna, ku përfshihet edhe ajo e Prizrenit.

“Sekretariati aktualisht është në fazën e pagesave të trupave zgjedhor të cilët kanë qenë të angazhuar në zgjedhjet e parakohshme të 14 shkurtit.

Aktualisht janë kryer të gjitha pagesat e trupave zgjedhor që kanë punuar në vendvotime dhe stafi teknik që kanë punuar në zgjedhjet e fundit. Komunat e fundit për të cilat: Prishtina, Podujeva dhe Prizreni. Tashmë MF-ja do t’i ekzekutojë këto pagesa”, ka thënë ai.

Po ashtu ai ka njoftuar se është duke u punuar për pagesat për stafin e QNR-së.