Kosovari njofton se koronavirusi iu kthye pas tre muajve

Një qytetar i Prishtinës ka njoftuar se i është kthyer koronavirusi pas tre muajve. Pjeter Bylykbashi ka shkruar në rrjetin social “Facebook” se është testuar për COVID-19 dhe se rezultati i doli pozitiv. Ai ka vendosur të ritestohet pasi për katër ditë rresht kishte simptoma të koronavirusit.

Ai ka qenë i infektuar edhe më herët, por ishte shëruar afërsisht tre muaj më parë. Bylykbashi ka shkruar se virusi në paraqitjen e dytë është shumë më agresiv dhe se po e sulmon aty ku e ka dëmtuar herën e parë.

“Fatkeqësisht kam rezultuar pozitiv në SARS-CoV-2 përsëri. Virusi më është kthyer afërsisht tre muaj pas shërimit dhe kësaj here shumë më agresiv. Sulmon aty ku më ka dëmtuar herën e parë, direkt në mushkëri”, ka shkruar Bylykbashi.

LEXO EDHE:  Nuk do të ketë PDK në “Qeveritë e Mashtrimit”
© SuharekaOnline. Të gjitha të drejtat janë të rezervuara.