Kosova ka pranuar 238 oksigjeno-koncentratorë nga OBSH

Organizata Botërore e Shëndetësisë i ka dhuruar Kosovës 238 oksigjeno-koncentratorë.

Edhe 238 oksigjeno-koncentratorë, donacion i Organizatës Botërore të Shëndetësisë/OBSh-së iu dhuruan Qendrës Klinike Universitare të Kosovës/QKUK, ka treguar Ministri i Shëndetësisë, Armend Zemaj.

Gjithashtu Zemaj është shprehur se kjo është një ndihmë shumë e çmuar në këtë kohë të pandemisë.

OBSH gjithnjë na ka ndihmuar dhe është një krah mbështetës, pa të cilin do ta kishim shumë të vështirë.

Aktualisht, përmes OBSH dhe partnerëve të tjerë po përpiqemi të futemi në radhë që të sigurojmë vaksinës kundër Covid-19 (në rast se aprovohet për përdorim).

Po ashtu OBSH do të sjell në Kosovë edhe aparate për teste RT-PCR, me të cilat Instituti Kombëtar i Shëndetësisë Publike të Kosovës/IKSHPK do të shtojë edhe ndërrimin e tretë të testimeve.

Do të rris kapacitetet diagnostikuese për SARS-Cov-2, përkatësisht për testime për Covid-19.

Gjatë kësaj kohe, OBSH na ka mbështetur edhe në zbatimin e Planit Strategjik të Komunikimit për Covid-19.

Ministri i Shëndetësisë, Armend Zemaj, ka falenderuar OBSH-në dhe ka bërë lutje për qytetarët të kujdesën duke vendosur maska, të mbajnë distancë dhe higjienën personale.

© SuharekaOnline. Të gjitha të drejtat janë të rezervuara.