08.10.2019, 23:05

Koalicionit AAK-PSD inati i kalon në “kërcënime”, Bekë Berisha: Do t’ia nxijë jetën Albin Kurtit

Kandidati për deputet nga koalicioni AAK-PSD, Bekë Berisha, ka folur për rolin e deputetëve të partisë së tij si opozitë, kur Albin Kurti ta krijojë Qeverinë.

Berisha tha në RTK se edhe nëse partia e tij nuk e ndjek, ai do të përkujdeset që t’ia përmend Kurtit secilin  veprim për t’ia kujtuar se nuk është e lehtë të mbahet pozita e kryeministrit.

“Roli jonë do të jetë konstruktiv, nuk do të jemi si Vetëvendosje. Edhe kur është mirë edhe kur është keq me kundërshtu. Për gabime nuk kemi me ia nda hiç, edhe nëse nuk bën partia jemi, unë do të përkujdesëm të ia nxijë jetën në Qeveri”, ka thënë Berisha.

LEXO EDHE:  Albin Kurti: Nuk mund askush t’ia fal borxhet e luftës Serbisë

Ai tutje thotë se Kurtit kryeministër do t’ia shikojë edhe ushqimin që do ta hajë, edhe pijet që do t’i konsumojë.

“T’i rri gati që kur të jetë duke ngrënë mish, me i thanë që është duke ngrënë. Edhe t’i them, nëse është duke pi verë 15 euro, është më e shtrenjtë. Do t’ia nxijë jetën. 20 vjet ka shuar zvrrë veç për pushtet, s’ka bërë kurrgjë, veç për pushtet”, tha Berisha.

© SuharekaOnline. Të gjitha të drejtat janë të rezervuara.