Klinika Infektive jep detaje për vdekjen e 63-vjeçares nga Covid-19

Klinika Infektive që funksionion në kuadër të Qendrës Klinike dhe Universitare të Kosovës ka dhënë detaje rreth vdekjes 63-vjeçares nga Rahoveci.

Përmes një njoftimi në faqen zyrtare, MSh’ja ka bërë me dije se ajo ishte pranuar në Infektivë më 3 maj në gjendje të rëndë.

“Klinika Infektive ka njoftuar se sot ka përfunduar me vdekje pacientja H.E.(1957) nga Komuna e Rahovecit. Pacientja ishte pranuar në Klinikën Infektive me datën 03.05.2020 në gjendje të rëndë, paraprakisht e konfirmuar për Covid-19 dhe me disa sëmundje të tjera shoqëruese”, thuhet në njoftim.

Njoftimi i plotë:

NJOFTIM NGA KLINIKA INFEKTIVE-QKUK

Prishtinë, 12 maj 2020

Klinika Infektive ka njoftuar se sot ka përfunduar me vdekje pacientja H.E.(1957) nga Komuna e Rahovecit.

Pacientja ishte pranuar në Klinikën Infektive me datën 03.05.2020 në gjendje të rëndë, paraprakisht e konfirmuar për Covid-19 dhe me disa sëmundje të tjera shoqëruese.

Kjo është vdekja e 29 në nivel vendi nga Covid-19 dhe e tetëmbëdhjeta në Klinikën Infektive nga kjo sëmundje.

© SuharekaOnline. Të gjitha të drejtat janë të rezervuara.