Kjo është shuma që do t’i marrin çdo muaj familjarët e policëve të rënë në detyrë
Qeveria në detyrë e Kosovës ka mbajtur sot mbledhjen e radhës. Mbledhja e sotme u nis me një minut heshtje në nderim të e policit Sami Thaçi i cili u vra në krye të detyrës, gjatë një aksioni anti-drogë në Zhur të Prizrenit. Qeveria ka ndarë 15 mijë euro për familjen e Sami Thaqit. Ndërsa […]
Qeveria në detyrë e Kosovës ka mbajtur sot mbledhjen e radhës.
Mbledhja e sotme u nis me një minut heshtje në nderim të e policit Sami Thaçi i cili u vra në krye të detyrës, gjatë një aksioni anti-drogë në Zhur të Prizrenit.
Qeveria ka ndarë 15 mijë euro për familjen e Sami Thaqit.
Ndërsa për policët e lënduar në këtë operacion, Artur Mrasori dhe jetmir Hasani, qeveria ka ndarë nga 10 mijë euro.
Po ashtu sot Qeveria e Republikës së Kosovës ka marrë vendim që t’i ndajë mjetet shtesë familjeve të zyrtarëve policor të rënë në detyrë.
Kjo është konfirmuar nga vet kryeministri, Ramush Haradinaj, i cili ka marrë pëlqimin e gjithë kabinetit për aprovimin e këtij propozimi
Kësisoj, 21 familje të zyrtarëve të PK-së do t’i marrin çdo muaj nga 300 euro shtesë.
“Mjetet financaire do të ndahen më bazë mujore për familjarët e policëve të rënë. Obiglohet policia me MPB-në, Ministrinë e Financave, për zbatimin e këtij obligimi”, ka deklaruar Haradinaj.