Këshilltari i kryeministrit Haradinaj, Avni Arifi është dekretuar nga Presidenti Thaçi, si ambasador në Emiratet e Bashkuara Arabe.

Avni Arifi, deri më tani e ka mbajtur postin e shefit të stafit, kryeministrit Haradinaj, por dje presidenti i Kosovës, Hashim Thaçi nënshkroi dekretin për emërimin shef të misionit në Emiratet e Bashkuara, Avni Arifin.

Ish-këshilltari i Kryeministrit, Arifi kryesoi për disa muaj dialogun teknik mes Kosovës dhe shtetit Serb, po ashtu ai ishte pjesë e delegacionit negociues të formuar me rezolutë nga Kuvendi.

Avni Arifi, pritet të zhvendoset në Abu Dhabi, ku edhe është selia e Ambasadës kosovare në EBA.