KEDS thotë që sonte nuk ka ndërprerje të rrymës elektrike

Në këtë vit pothuaj se gjatë gjithë vitit kemi pasur ndërprerje të shumta të rrymës elektrike sidomos këto 2 muajt e fundit, ku deri në 17 orë pa rrymë kanë qenë disa komuna duke përfshirë Komunën e Suharekës, Deçanit dhe Fushë Kosovës.

Edhe Kryeministri i vendit, Haradinaj kishte reaguar duke thënë se nëse vazhdon situata e njëjtë do ta ndërprejmë kontratën me KEDS.

KEDS në një komunikatë për media tha se sot pasi që është ndërrimi i moteve, nuk do të ketë asnjë ndërprerje të rrymës elektrike, dhe KEDS bëri apel që qytetarët ta kursejnë energjinë elektrike aty ku kanë mundësi.

Në komunikatë për media nga KEDS thuhet se “KEDS ka përgatitur maksimalisht rrjetin paraprakisht për ballafaqim me kushtet e rënduara atmosferike. Ekipet e mirëmbajtjes kanë qenë në vazhdimësi duke punuar në përforcim të rrjetit, duke i zëvëndësuar pajisjet e dëmtuara, sikurse duke i pastruar trasetë e rrjetit”.

Megjithatë, në këtë vit KEDS është kritikuar shumë më shumë se sa vitet e kaluara nga qytetarët dhe krerët e lartë të shtetit të Kosovës për shkak të reduktimeve të shumta të energjisë elektrike, ku në disa vende duke përfshirë edhe Suharekën pati protesta kundër KEDS.