Jehona Rrafshi: Flamurin e origjinës së produktit duhet ta vendosin këto biznese!

Drejtoria e Inspeksionit të Komunës së Suharekës duke u bazuar në Udhëzimin Administrativ të Ministrisë së Tregtisë i cili i obligon bizneset tregtare për formën, përmbajtjen dhe përdorimin e flamujve mbi origjinën e produktit njoftohen bizneset për afatin e vendosjes së flamurit të origjinës së produktit.

E kontaktuar nga redaksia Drejtoresha e Inspeksionit në Komunën e Suharekës, znj.Jehona Rrafshi tha se të gjitha bizneset janë të obliguar të vendosin flamurin e origjinës së produktit si psh: qendrat tregtare, ato të tekstilit, të veglave të punës thënë shkurt të gjitha bizneset që veprimtari e kanë shitjen e produkteve qofshin ato ushqimore apo të tjera.

Në bazë të njoftimit thuhet se flamuri i origjinës së produktit duhet të vendoset në anën e majtë të çmimit të shitjes.

Pas 5 ditësh Inspeksioni do të ndërmarrë masa ndëshkimore për të gjitha bizneset që nuk e zbatojnë urdhresën.

Udhëzimi administrativ përcakton rregullat lidhur me vendosjen e kësaj etikete që tregon flamurin e shtetit të origjinës së mallrave.