Jasharaj i SBASHK-ut del me letër publike pasi dolën pagat, paralajmëron padi ndaj Muratit: E keni tepruar, boll mo

  • 08.10.2022
Jasharaj i SBASHK-ut del me letër publike pasi dolën pagat, paralajmëron padi ndaj Muratit: E keni tepruar, boll mo

Gjatë ditës së djeshme Qeveria e Kosovës filloi ekzekutimin e pagave për mësimdhënësit për muajin shtator, muaj ky që u mbajt grevë nga ana e këtyre të fundit si shkak i mosreflektimit të kërkesave të tyre nga ana e ekzekutivit.

Pas ekzekutimit të pagave të mësimdhënësve, kryetari i Sindikatës së Bashkuar të Arsimit, Shkencës dhe Kulturës (SBASHK), Rrahman Jasharaj me një letër publike i është drejtuar ministres së Arsimit (MASHTI), Arbërie Nagavci.

I pari i kësaj sindikate ka thënë se ministrja e Nagavci po tregon heroizëm e humanizëm të rrejshëm në raport me mësimdhënësit.


Po ashtu, Jasharaj ka thënë se ndonëse ministrja Nagavci ishte njoftuar disa muaj më parë për grevën, ajo nuk mbështetit mësimdhënësit, por përkundrazi sipas tij ajo nuk hezitoi të japë deklarata urdhëruese e madje edhe plot shantazh e kërcënime.

“Zonjën Nagavci e kishim  njoftuar muaj më  parë  me kërkesat legjitime të anëtarësisë  dhe e kishim lutur sa herë takoheshim që ato t’i prezantonte në takimet e Qeverisë duke e paralajmëruar se nëse ato nuk shqyrtohen do të vij deri të greva sepse kjo  ishte kërkesë e anëtarësisë.

Zonja Nagavci as para grevës e as gjatë saj as edhe  një herë nuk ishte Ministre e arsimit dhe nuk iu dëgjua zëri në emër të punëtorëve të arsimit, po nuk mungoi e nuk hezitoi me deklarata  urdhëruese  e madje edhe plot shantazh e kërcënime. Ajo vazhdoi  t’i duartrokiste edhe fyerjeve e deklaratave nënçmuese te Dimalit, Yllit, Dibranit, Sadriut  e disa  të  tjerëve  që u ka humbur çdo gjë njerëzore”.

Gjithashtu, kryetari i SBASHK-ut, Rrahman Jasharaj ka thënë se ministrja e Arsimit është ajo e cila i la në baltë punëtorët e arsimit, kur shërbyesve civil që ishin në grevë iu dolën pagat.

Ai shtoi se në vend të kësaj ajo i duartrokiti Hekuran Muratit dhe ndëshkimit që po u bëhej punëtorëve të sektorit në të cilin ajo ishte ministre.

“Ajo nuk u ndie keq as kur Qeveria ua  dha pagat shërbyesve civilë, që bashkë me punëtorët e sektorit të arsimit ishin në të njëjtën grevë shpallur nga BSPK-ja, kurse të punësuarve në sektorin që ajo përfaqëson iu ndalën pagat. Në vend të kësaj ajo i duartrokiti Hekuran Muratit dhe ndëshkimit që po u bëhej punëtorëve të sektorit në të cilin ajo ishte ministre. Zonja Nagavci për t’i hyrë në qejf shefit dhe Hekuranit shkoi edhe me tutje duke nxjerr urdhër se, pos dënimit me paga mësuesit, duhet edhe të zëvendësojnë edhe orët e humbura”.

Po ashtu, ai ka shtuar se Arbërie Nagavci është munduar që të paraqitet humaniste për punëtorët e arsimit, vetëm pasi që opinioni u ngrit në këmbë për të kërkuar që të ekzekutoheshin pagat.

“Kur opinioni u ngrit në këmbë kundër ndëshkimit që po i bëhej  punëtorëve të arsimit duke shkelur çdo ligj dhe madje edhe anën humane, zonja Nagavci gjoja u ngrit në këmbë dhe për ta mbuluar turpin e Qeverisë iu bashkua prapë Dimalit e të tjerëve dhe u mundua ta marr rolin e humanistes dhe heroit duke bërë angazhime që punëtorët e arsimit të paguhen, por nuk e la anash urrejtjen ndaj SBASHK-ut dhe akuzoi pa fijen e fakteve  se kryesia i paska lënë në baltë mësuesit dhe se ajo dashka t’i shpëtoi. Nagavci  dashka t’i shpëtoi”.

Jasharaj theksoi se është ironike kjo nga ministrja e Arsimit, e cila sipas tij tërë kohën e grevës dha urdhra dhe nuk la fjalë të keqe pa thënë për grevistët sa për t’ia bërë qejfin  Hekuranit dhe shefit të madh.

“Ironike kjo nga zonja Nagavci, e cila tërë kohën e grevës dha urdhra dhe nuk la fjalë të keqe pa thënë për grevistët sa për t’ia bërë qejfin  Hekuranit dhe shefit të madh. Zonja Nagavci sa për ty e po të pyeteshe ti pagat e shtatorit kurrë nuk do t’i merrnin punëtorët e arsimit që nga çerdhet e deri në universitet, por këtë humanitetin në thonjëza dhe heroizmin tënd në thonjëza u mundove ta shesësh kot të punëtorët e arsimit dhe e bëre me shpresën se do të krijosh përçarje, përçarje që u mundove ta bësh edhe gjatë gjithë grevës, por të shkoi kot. Ruaje atë foton me fëmijën dhe me shefat në bankat shkollore.

Vazhdo me Dimalin, Yllin, Rronin, Sadriun, Dibranin e ndonjë  tjetër, që nuk  u ka mbetur as edhe një fije nga njerëzorja. Kënaqu e duartrokit kur fyhet e shahet mësuesi, por mos u shtir si heroinë se kot e ke. Punëtorët e arsimit janë bashkë e në SBASHK dhe uniteti i tyre është i pathyeshëm. E ti pyet vetën a ishte bile një ditë ministre e tyre  apo i le  gjatë ditëve, javëve e muajve në baltë se zë e mbrojtëse e tyre nuk ishe që kur u bëre ministre e që tani. Zonja Nagavci inati dhe mllefi i paarsyeshëm ndaj meje e sindikalistëve ua ka bllokuar trurin  edhe disa deputetëve të partisë suaj. Njëra prej tyre dje në parlament përsëriti shpifjet e Hekuranit për SBASHK-un dhe qe të dy do të jenë  në përballje para drejtësisë sepse e kanë tepruar. Boll mo”.

Në fund ai tha se vazhdo pini kafe me Dimalin, Yllin, Rronin, Sadriun e Dibranin e të lavdëroheni për fyerjet që ia kanë bërë figurës së mësuesit.

“Ti vazhdo me Dimalin, Yllin, Rronin, Sadriun, Dibranin e ndonjë  tjetër të pini kafe e të lavdëroheni për fyerjet që ia kanë bërë e do ia bëjnë figurës së mësuesit”, ka përfunduar Jashari letrën e tij.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë